प्रधानमंत्री मातृ वंदना योजना Pradhan Mantri Matru Vandana Yojana (PMMVY)

" मातृ शक्ती राष्ट्र शक्ती "

योजनेची सुरुवात ०१ जानेवारी २०१७

PMMVY प्रधानमंत्री मातृ वंदना योजना (पूर्वीचे नाव :- इंदिरा गांधी मातृत्व सहयोग योजना) ही योजना केंद्र सरकारच्या महिला व बालविकास मंत्रालयामार्फत सुरू करण्यात आलेली आहे.यामध्ये केंद्र सरकारचा ६०% व राज्य सरकारचा ४०% वाटा आहे.कुटुंबातील पहिल्या जीवित अपत्यासाठी गर्भवती माता व स्तनदा माता यांना सदरील योजना लागू आहे.(वेतनासह मातृत्व रजा घेणाऱ्या महिलांसाठी सदरील योजनेचा लाभ लागू नाही.)

या योजनेमध्ये रुपये ५०००/- तीन टप्प्यांमध्ये काही निकष व अटी यांची पूर्तता केल्यानंतर रक्कम लाभार्थ्याच्या खात्यामध्ये (डायरेक्ट बेनिफिट ट्रान्सफर) द्वारे जमा केली जाते.

योजनेचे अधिकारी:-

राष्ट्रीय आरोग्य अभियानाचे संचालक तथा आरोग्य सेवांचे आयुक्त हे राज्य पातळीवरील समन्वय अधिकारी असतील.

सेवा मिळण्याचे ठिकाण:-

राज्यातील सर्व शासकीय रुग्णालय त्यामध्ये उपजिल्हा रुग्णालय, ग्रामीण रुग्णालय,प्राथमिक आरोग्य केंद्र व उपकेंद्र तसेच अधिक माहितीसाठी आरोग्य सेविका/आरोग्य सेवक,आशा वर्कर व अंगणवाडी सेविका यांच्याशी संपर्क साधावा.

सेवा मिळण्यासाठी सादर करावयाची कागदपत्रे:-

•माता आणि बाल सुरक्षा कार्ड.

•लाभार्थी आणि तिच्या पतीचे आधार कार्ड झेरॉक्स.

•लाभार्थ्याचे आधार कार्डशी जोडलेले स्वतंत्र बँक खाते पासबुकची झेरॉक्स.

•नवजात बालकाचे जन्म नोंदणी प्रमाणपत्र व प्राथमिक लसीकरण आवश्यक आहे.

कागदपत्रांची पूर्तता केल्यानंतर किती दिवसात सेवा पुरवली जाईल.

लाभार्थ्याची माहिती शासनाच्या पोर्टल वरती भरल्यानंतर किमान 30 दिवसाच्या आत रक्कम लाभार्थ्याच्या खात्यावर जमा केली जाते.

योजनेची ध्येय:-

∆माता व बालकांमधील प्रतिबंधात्मक मृत्यू रोखणे.

∆विकृती व उपजत मृत्यू कमी करणे.

∆प्रसूतीच्या वेळी व प्रसूती पश्चात लगेचच दिल्या जाणाऱ्या आरोग्य सेवांमध्ये वाढ करणे.

∆लाभार्थ्यांची वाढ करणे.

∆आदरयुक्त मातृत्व देखभाल सेवा देणे इत्यादी.

कार्यक्रमाचे प्रमुख उद्देश:-

•प्रसूतीगृह,माता शस्त्रक्रिया गृह,आय.सी.यु व एच.डी.यु यामध्ये गुणात्मक व दर्जात्मक सुधारणा करून माता व नवजात बालक यांना प्रसूतीच्या अगोदर व नंतरच्या सेवा देणे.

•या योजनेमार्फत सर्व शासकीय वैद्यकीय महाविद्यालय,जिल्हा रुग्णालय व संदर्भ सेवा देणारे रुग्णालय यांना कार्यान्वित करणे.

•या योजनेमध्ये समाविष्ट करण्यात आलेल्या सर्व बाबींची अंमलबजावणी करणे.

प्रधानमंत्री मातृ वंदना योजना फॉर्म डाउनलोड करण्यासाठी खालील लिंक वर क्लिक करा.

अ.क्र	तपशील	डाऊलोड
०१	फॉर्म नमुना A	Click Here
०२	फॉर्म नमुना B	Click Here
०३	फॉर्म नमुना C	Click Here
	Android Mobile App	Click Here